There is a past version of you That is proud of what you have become.
You will rise from the ashes. But the burning comes first. For this part, Darling, You must be brave.
Kalen Dion
You are not alone
Brauchst Du Hilfe oder möchtest mit mir sprechen?
Ruf mich anSo viu gedanke im Kopf, völlig usgstopft, eifach hin und här grisse zwüsche gedanke und gfüu.
Unsicher was ig dänke, schribe, säge söu.Bi mir muäss ig si, häre luäge, das wo anderi nid köi muäss ig lernä.
No isch s schlimmstä nid itroffe, doch passiert isch scho viu.
Viu da, viu dert und alles brasslet uf mi i.
I däm Sturm möcht ig nid si, aber ig blibe standhaft und gibe nid uf, egau was passiert, s Guäte wird doch irgendwie sige, oder nid, ig weiss so viu und doch nüt.
Aber hin und här, äs git geng ä Wäg.Aues wo ig liebe, liebe ka ig aus...
D Ruä isch dert wo ig mir säuber zuälose.
Ig schribe, d gedanke wärde sichtbar und dr Kopf wird stiu.
La fliessä wie ä Wasserfall.Drüber redä, mi öffnbe, mi verlierä und wider finde.
Mir säuber dr Rügge zuädreie isch gad kei option.
Doch das Chaos i mir s ordne, wird gad nid möglech si.
Aber easy.
Morn beginnt ä nöie Tag.
Gott wird mi uf dass vorbereite wo no wird ko.
D Angst vorem schlimmste isch da, doch ig bi mr sicher, dass ig denn sicher nid allei wirde si.
Mini Hiuf kunnt vo ihm und derä Stercki wo i mir wohnt.S Schicksal wird ihre Wäg zu mir finde.
Nid alles wo ig möcht festhäbe oder stüre, wird bi mir blibe.
Freiheit isch das wo üs witerbringt.
Mit offnige Arme stah ig hie, dr Kopf vou vo sorge doch mis Härz isch trotz auem frei.
S böse und s negative asluäge, isch nid dass wo mi unsicher macht, solang ig dr gloube as guäte nid verlierä.
D Dunkelheit wird mi umgä, doch mis Liecht wird sie mr nie könne näh.
Gloube wird Bärge versetzä und Hoffnig wird mi Wägwiser si.
Step by Step ar Hand vo däm wo mi kennt, liebt und mi bim Name nennt.
Immer denn, wenn s Lebe dich bricht und du glaubsch, dass du nüm z verlüre hesch - denk dra - du riskiersch dich selber.
WeiterlesenGlaub a dich, au denn, wes anderi nöd mache. Du kennsch din Wärt, lah nöd zue, das mer dir dis Gsicht nimmt.
WeiterlesenWie gahts dir? Derre Frag, söt me unbedingt meh beachtig schänke. Will genau die Frag , isch die einzig, wo Läbe rette chan.
WeiterlesenSie nennes Bla Bla Bla und verstöhnd nöd, wie du dich fühlsch. Sie sägend nur immer, hör uf jammere. Derbi isch Kommunikation eis vom wichtigste, wo Mensche mitere psychischer Erkrankig müend lerne.
WeiterlesenWenn du i dim Zimmer sitzisch und innerlech am zerbräche bisch, will du dich Einsam und verlasse füehlsch. Triggeret vo all dine Erinnerige und Emotione. Verstosse und verletzt, allei mit dine Dämone.
Weiterlesen